poesia in dialetto gallurese”A NOSTRU SIGNORI”
DI d’ugna cosa
principiu e motori
TU
chi cunnosci li segreti di d’ugna cori
asculta lu lamentu
di un misaru piccadori!
un mundu di maraiglia
c’ai’ datu e noi cu lu piccatu
l’emu guastatu.
Pa’ riscattacci da lu mali
hai sacrificatu to fiddolu
e noi pa ricumpensa l’emu datu:
una gruci,una curona di spini e un colpo allu custatu.
ma tu no ti sei vindicatu
e hai paldunatu.
a l’omu hai datu li giusti cumandamenti
pa campa’ dignamenti
e si t’inculpa di li so mali
lu faci ingiustamenti
palchi’ libaru arbitriu l’hai datu
candu l’hai criatu.
l’omu cu li so mani s’è arruinatu
di falsi dei s’è circondatu
e no è mai saziatu da la loro vanitai
so’ peggiu di l’usurai
li succhiani lu sangu
finu a lacallu senza fiatu.
Lu sapienti ti onora
l’ignoranti ti rinnega
palchi’ no cunnosci li cunfini
chi siparani la Ragioni da la Fidi.
Ca’ ti cunnosci è fultunatu
palchi’ la ita eterna s’a’ gadagnatu
ca ‘ ti cilca è mezu salvatu
ca’ ti rinnega
a la so’ misericoldia infinita e’ affidatu.
hai vintu la molti e c’ai’ datu la spiranza
d’un eternu paradisu
dugna ugna be’ e’ cundivisu.
O SIGNORI ,meu rifugiu e mea spiranza
statti sempri i lu me cori
chi brama solu pa’ te d’amori!…..